11ലക്ഷത്തോളം രൂപയുടെ സേവനം നടത്തിയ നെടുമങ്ങാട് പോളിയിലെ NSS യൂണിറ്റ് തരംഗമായി മാറുന്നു

11ലക്ഷത്തോളം രൂപയുടെ സേവനം നടത്തിയ നെടുമങ്ങാട് പോളിയിലെ NSS യൂണിറ്റ് തരംഗമായി മാറുന്നു

നെടുമങ്ങാട്:11 ലക്ഷത്തോളം രൂപയുടെ സേവനം പുനർജനി പദ്ധതിയിലൂടെ നെടുമങ്ങാട് ഗവ: ആശുപത്രിയിൽ സപ്തദിനക്യാമ്പിൻ്റെ ഭാഗമായി നടത്തിയ നെടുമങ്ങാട് പൊളിടെക്നിക്കിലെ NSS യൂണിറ്റ് കേരളത്തിലെ വിദ്യാർത്ഥി സമൂഹത്തിനു തന്നെ അഭിമാനമായി മാറുന്നു.ക്രിസ്മസ് അവധിക്കാലത്ത് നടത്തിയ സപ്തദിനക്യാമ്പിൽ പ്രധാന പ്രവർത്തന മേഖലയായി തിരഞ്ഞെടുത്തത് നെടുമങ്ങാട് ഗവ: ആശുപത്രിയായിരുന്നു.ക്യാമ്പിൻ്റെ ഭാഗമായി ആദ്യദിനം അവിടെയെത്തിയ വോളൻ്റിയർമാരെ കാത്തിരുന്നത് തികച്ചും വേദനിപ്പിക്കുന്ന കാഴ്ച്ചകളായിരുന്നു.തുരുമ്പുപിടിച്ച കസേരകളും പെയിൻ്റിളകിയ കട്ടിലുകളും അവക്കിടയിൽ പെട്ട് ബുദ്ധിമുട്ടുന്ന കുറേയധികം രോഗികളും.പ്രോഗ്രാം ഓഫീസർ ബൈജു സാറിൻ്റെ നേതൃത്വത്തിൽ നടത്തിയ തുടർനടപടികൾ രോഗികൾക്ക് ഒരാശ്വാസമായി മാറുന്ന കാഴ്ചയാണ് പിന്നീട് കണ്ടത്.

വിദ്യാർത്ഥികളെ പല ഗ്രൂപ്പുകളാക്കി തിരിച്ച് ആശുപത്രിയിലെ പല വിഭാഗങ്ങളിലേക്ക് വിന്യസിക്കുകയും ഓരോ ദിവസവും അതത് ദിവസത്തെ ഡേ ഓഫീസർമാരുടെ നേതൃത്വത്തിൽ വിവിധങ്ങളായ പരിപാടികൾ ഏറ്റെടുത്ത് നടത്തുകയുമാണുണ്ടായത്.നിരവധി കട്ടിലുകളും ഡ്രിപ്പ് സ്റ്റാൻഡുകളും ഫർണീച്ചറുകളും വെൽഡ് ചെയ്ത് കേടുപാടുകൾ മാറ്റുകയും പെയിൻ്റ് ചെയ്ത് ഭംഗിയാക്കി ആശുപത്രിക്ക് തിരികെ നൽകുകയുമാണുണ്ടായത്. കൂടാതെ ആശുപത്രിയിലെ ഒരു ബിൽഡിംങ്ങിൻ്റെ മുഴുവൻ പെയിൻ്റിംങ്ങും വോളൻ്റിയർമാർ ചെയ്തുതീർത്തു.പ്രവർത്തനം വിലയിരുത്തുവാൻ ക്യാമ്പിലെത്തിയ എൻ.എസ്.എസ് സ്റ്റേറ്റ് കോർഡിനേറ്റർ അബ്ദുൾ ജബ്ബാർ സർ വളരെ മികച്ച അഭിപ്രായമാണ് ക്യാമ്പിനെ കുറിച്ചു പറഞ്ഞത്.സംസ്ഥാനത്തിലെ ഏറ്റവും മികച്ച ക്യാമ്പാണിതെന്നാണ് ജബ്ബാർ സർ പറഞ്ഞത്.11 ലക്ഷത്തോളം രൂപയുടെ സേവനം നടത്തുവാൻ കഴിഞ്ഞു എന്നുള്ളത് Nss ക്യാമ്പിൻ്റെ ചരിത്രനേട്ടമായി വിലയിരുത്തപ്പെടുന്നു.

പുനർജനിയെ കൂടാതെ നിരവധി പ്രോഗ്രാമുകൾ ക്യാമ്പിലുണ്ടായിരുന്നു.തിരുവനന്തപുരം VSSC യിലെ ശാസ്ത്രജ്ഞന്മാരുടെ ക്ളാസും നന്ദിയോട് കൃഷിഭവനിലെ കൃഷി ഓഫീസറുടെ ക്ളാസും മൺമറഞ്ഞ് പോകുന്ന പാവകളി എന്ന കലാരൂപവും കരിയർഗുരു ചക്രപാണി സാറിൻ്റെ ക്ളാസും ക്യാമ്പിൻ്റെ ഭംഗി കൂട്ടി. നെടുമങ്ങാട് MLA ശ്രീ ദിവാകരനായിരുന്നു ക്യാമ്പ് ഉദ്ഘാടനം ചെയ്തത്.ചെണ്ടമേളവും വോളൻ്റിയവ റാലിയും ഉദ്ഘാടന ചടങ്ങിൻ്റെ മാറ്റ് കൂട്ടി. നരവധി എക്സ് വോളൻ്റിയേഴ്സും പ്രമുഖ വ്യക്തികളും നെടുമങ്ങാട് BUPS ൽ വെച്ചു നടന്ന ക്യാമ്പിൻ്റെ ഭാഗമായി മാറി.ഡിസംബർ24 ന് ആരംഭിച്ച ക്യാമ്പ് ഡിസംബർ 26 ന് ജില്ലാ പൻചായത്ത് പ്രസിഡൻ്റ് ശ്രീ വി.കെ മധു ഉദ്ഘാടനം ചെയ്ത സമാപന സമ്മേളനത്തോടുകൂടി അവസാനിച്ചു. Happy New Year....Start Your New Year from here..I Promise this news will be an inspiration to do more for your society